صدر حسن روحانی چین پہنچ گئے

مہر خبررساں ایجنسی کے نامہ نگار کی رپورٹ کے مطابق اسلامی جمہوریہ ایران کے صدر حسن روحانی شانگہائی تعاون تنظیم کے سربراہی اجلاس میں شرکت کے لئے چین پہنچ گئے ہیں۔ اطلاعات کے مطابق ایران کے صدر حسن روحانی چین کے دو روزہ دورے کے دوران شانگہائی تعاون تنظیم کے سربراہی اجلاس  سے خطاب کریں گے اور اس کے علاوہ اجلاس میں شریک رہنماؤں کے ساتھ دو طرفہ تعلقات اور عالمی امور پر تبادلہ خیال کریں گے۔ ایران کے وزیر خارجہ، وزير خزانہ، اور پیٹرولیم کے وزیر اس سفر میں صدر حسن روحانی کی ہمراہی کررہے ہیں۔